Shpallet në kërkim Talo Çela personi që modifikoi furgonin për grabitjen e Rinasit, dyshohet se ka kryer krimin e dyfishtë të vëllezërve Viktor dhe Besmir Haxhia në qytetin e Durrësit.
Siç raporton gazetarja Glidona Daci për abcnews.al hetimet janë kryer nga Prokuroria e Durrësit dhe më pas dosja ka kaluar në SPAK.
Ndërkohë Talo Çela është i vetmi nga grupi i Grabitjes së Rinasit që vazhdon të jetë në kërkim.
LEXO edhe: Ekzekutim mafioz në Durrës, sekuestrohen 8 kamera sigurie, shoqërohen mbi 30 persona
Me sa duket i penduari për vrasjen e vëllezërve Haxhia ka treguar që ishte Talo Çela, personi që ka kërkuar nga Besmir Haxhia të tregojë ku janë fshehur paratë e grabitjes.
Sakaq janë shpallur në kërkim për vrasjen e vëllezërve Haxhia edhe 3 persona të tjerë.
Ngjarja ndodhi në biznesin e tyre të tregut të makinave me qira në zonën e njohur si “Nishtulla” në “Shën Vlash” të Durrësit, ku ata sapo mbërritën me makinë në prill të këtij viti./abcnews.al
