Gjykata në Arabinë Sauditë ka dhënë vendimin për 8 personat e dyshuar si autorë të vrasjes së gazetarit të gazetës “Washington Post”, Jamal Khashoggi.
Mediat e huaja bëjnë me dije se Prokurorinë Publike në Arabinë Sauditë ka dhënë vendimin dënim me burg për 20 vjet për pesë persona ndërsa tre të tjerë janë dënuar nga 7 deri në 10 vite burg.
Khashoggi ishte larguar nga Arabia Saudite në vitin 2017 dhe shkruante artikuj kritikë për qeverinë e këtij shteti dhe për udhëheqësit më të lartë, Mbretin Salman dhe Princin Mohammad bin Salman.
Sipas CIA-s, vrasjen e këtij gazetari e ka urdhëruar Princi Mohammad bin Salman, por ai e ka mohuar këtë akuzë.
Khashogi u vra në konsullatën e Arabisë Saudite në Stamboll në tetor të vitit 2018. Vrasja e tij kishte nxitur reagime të shumta të komunitetit ndërkombëtar. e.su/abcnews.al
