Prova të reja po dalin vazhdimisht në dritë për vrasjen makabre të 20-vjeçares Caroline disa javë më parë në Glyka Nera të Greqisë. E reja u vra nga grabitësit që u futën në shtëpinë e saj, ku jetonte me bashkëshortin dhe vajzën e tyre të vogël.
Mediat greke raportojnë se kanë dalë video të reja nga kamerat e sigurisë, të cilat japin më shumë detaje rreth një makine të dyshimtë dhe një motoçiklete, që kanë kaluar në zonë, disa minuta pas orës 05:00 mëngjesit fatal të 11 majit.
Ishte ora 5.30 e mëngjesit dhe pak minuta më herët autorë kishin kryer krimin brutal në shtëpinë e pilotit të helikopterit të aviacionit civil në rrugën Panagouli. Ata i morën jetën e gruas së tij dhe nënës së vajzës së tyre 11 muajshe, ndërsa morën edhe 10,000 euro dhe bizhuteritë që kishin në shtëpinë e tyre.
Në emisionin investigativ “Dritë në tunel”, një shikues dërgoi pamje të reja video, të cilat tregojnë një makinë të errët dhe një motor.
Materiali specifik është nga kamerat CCTV nga shtëpia e tij në rrugën Karaiskaki, afër shtëpisë së çiftit. Makina e errët kalon në orën 05:07 të mëngjesit të së martës 11 maj dhe katër minuta më vonë, në 05:11, kalon motori, drejtuesi i të cilit duket se ka veshur një xhup me kapuç. Ky material do të shqyrtohet nga autoriteti kompetent policor. g.v/abcnews.al
