Vrapimi apo ecja: Cila është mënyra më efektive për të humbur peshë. Përgjigjja për këtë dilemë të përjetshme qëndron tek ju. Si vrapi ashtu edhe ecja janë të dobishme dhe efektive nëse doni të humbni peshë. Vrapimi do t’ju ndihmojë patjetër nëse doni të arrini rezultate në një periudhë më të shkurtër kohore.
Do të digjni më shumë kalori në më pak kohë, por ecja është një zgjedhje më e mirë për shumë njerëz. Vrapimi është i mundimshëm dhe jo për të gjithë, dhe nëse keni probleme shëndetësore si dhimbje shpine apo kyçesh, ecja është një opsion për ju. Do t’ju marrë pak më shumë, por do të arrini rezultate të mira.
Të dyja metodat përmirësojnë shëndetin kardiovaskular, ulin kolesterolin, rregullojnë presionin e gjakut, zvogëlojnë rrezikun e diabetit dhe kontribuojnë në humbjen e peshës. Ecja do t’ju relaksojë dhe do t’ju sjellë paqe të brendshme, dhe vrapimi ofron një lloj euforie për shkak të sfidave me të cilat përballet trupi.
Nëse dëshironi të digjni yndyrën, këtë do ta arrini nëse ecni për rreth një orë çdo ditë, dhe vrapimi do të arrijë të njëjtin rezultat në 20 ose 30 minuta në ditë.
/abcnews.al
