Ndërsa Ukraina feston Ditën e Europës, ashtu si Bashkimi Europian, dhe presidentja e Komisionit Europian ndodhet për një vizitë në Kiev, dhjetëra raketa ruse u hodhën në qytetet ukrainase dhe një shpërthim i fuqishëm thuhet se tronditi kryeqytetin ukrainas në orët e para të mëngjesit.
“Shpërthim shumë i fuqishëm në Kiev!”, tha deputeti ukrainas Oleksiy Goncharenko në një postim në mediat sociale.
Sipas informacioneve të fundit, mbetjet e raketave të rrëzuara nga mbrojtja ajrore e Ukrainës ranë në një rezidencë në lagjen Holosiivskyi në jugperëndim të Kievit, duke shkaktuar dëme të vogla, tha kryetari i bashkisë së Kievit Vitaly Klitschko në postimin e tij.
Mbetjet u gjetën gjithashtu në një rrugë në lagjen Shevchenkivskiy në qendër të Kievit, i cili është një objektiv i shpeshtë i granatimeve ruse.
Por pavarësisht sulmeve, shefja e BE-së Ursula von der Leyen ndodhet në kryeqytetin ukrainas, Kiev, për të shënuar Ditën e Fitores dhe do të takohet me Presidentin Volodymyr Zelensky për të “riafirmuar mbështetjen e palëkundur të BE-së për Ukrainën” në Ditën e Europës.
E festuar që nga vitet 1960, Dita e Europës përkujton nënshkrimin e Deklaratës së Shumanit, e cila u nënshkrua më 9 maj 1950 ndërsa Europa kërkonte të rimëkëmbej nga shkatërrimi i Luftës së Dytë Botërore.
Zelensky ka nënshkruar një dekret, i cili pritet të miratohet nga parlamenti për të ndryshuar ditën e Fitores.
/abcnews.al
