Presidentja e Komisionit Europian, Ursula von der Leyen , ka paralajmëruar duhet të parandalojmë krizën e urisë në Gaza, mes raporteve për fëmijë që vdesin nga kequshqyerja dhe nënat që lindin foshnja nën peshë për shkak të mungesës së ushqimit.
“Situata në terren është më dramatike se kurrë dhe ka arritur kulmin. Të gjithë kemi parë raporte të fëmijëve që po vdesin nga uria. Kjo nuk mund të ndodhë,” tha ajo në një fjalim.
Ajo tha se BE kishte aktivizuar mekanizmin e mbrojtjes civile të BE-së për të forcuar aftësinë e saj për të mbështetur ndihmën humanitare.
Komisioni Europian ka kërkuar të punojë me partnerët për dërgimin e ndihmave në Gaza dhe sot von der Leyen tha: “disa vende, duke përfshirë disa nga shtetet tona anëtare, kanë filluar të dërgojnë ndihma humanitare nga Jordania”.
/abcnews.al
