Kryetarja e Komisionit Evropian, Ursula von der Leyen, ka shprehur besimin se Ukrainës do t’i jepet statusi zyrtar i kandidatit përpara një samiti kyç të BE-së në Bruksel më vonë këtë muaj.
“Unë besoj fuqishëm se do të marrim një vendim pozitiv, se do të marrim mbështetje, se kursi tani është vendosur”, tha von der Leyen për transmetuesin publik gjerman ARD të dielën në mbrëmje.
“Sigurisht, ky është gjithashtu një vendim historik që Këshilli Evropian duhet të marrë tani, por përgatitjet janë të mira”, tha ajo, duke shtuar se ishte “e sigurt” për perspektivat e Ukrainës.
I was very moved by President @ZelenskyyUa‘s kind words over the phone today, following our recommendation to grant Ukraine the candidate status.
The Ukrainians can count on the @EU_Commission‘s constant support as they move along the path to the European Union. pic.twitter.com/ey8BVCLgzo
— Ursula von der Leyen (@vonderleyen) June 17, 2022
Komentet e Von der Leyen vijnë pasi Komisioni i BE-së të premten doli në favor të përcaktimit zyrtar të Ukrainës dhe Moldavisë si kandidatë për t’u bashkuar me Bashkimin Evropian.
27 vendet anëtare të BE do të diskutojnë rekomandimin e Komisionit në një samit në Bruksel të enjten dhe të premten./Abcnews.al/
