Volejboll për meshkuj: Sezon perfekt i Partizanit, fiton titullin e 15-të në histori

Partizani ia del të fitojë titullin kampion në volejboll për meshkuj. “Demat” e drejtuar nga Ylli Tomori, mposhtën sot 3-0 me sete Erzenin, duke siguruar fitoren e tretë radhazi përballë ekipit nga Shijaku.

Ky ishte titulli i 15-të në histori për skuadrën kryeqytetase, që këtë sezon ka fituar dhe Kupën e Shqipërisë (mundi Erzenin në finale).

Një sezon perfekt për djemtë e të mirënjohurit Tomori, të cilët i kanë fituar të gjithë ndeshjet: ato të fazës së grupeve dhe të dueleve në “play-off”. /abcnews.al