Dusan Vlahovic është kthyer në lojtarin kryesorë në merkaton e janarit. Shumë klube duan shërbimet e sulmuesit serb i cili aktualisht është pjesë e Fiorentinës.
Vendimi i drejtuesve të klubit italian për të mos rinovuar me “yllin” e skuadrës, ku kontrata aktuale e të cilit mbaron në vitin 2023, ka vënë në ndjekje të sulmuesit shumë ekipe.
Sipas asaj që raporton “Sky Sport”, Arsenali është skuadra e parë që ka bërë hapin e madhe drejt serbit. Vlahovic pëlqehet shumë nga trajneri aktual i Arsenalit, Mikel Arteta, dhe për këtë “topçinjtë” janë treguar të gatshëm t’i ofrojnë Fiorentinës 80 milion eurot e kërkuara për ta lënë të lirë sulmuesin.
Problem për të arritur një marrëveshje mund të jetë dëshira e lojtarit, i cili dëshiron të vazhdojë karrierën në një klub tjetër në Seria A, por në ditët në vazhdim pritet që Arsenali të bëjë hapa konkret për të bindur sulmuesin të pranojë të luajë në Londër. /f.a/abcnews.al
