Vizita në Kroaci, Meta nderohet me titullin e lartë: Më motivon për të punuar

schedule17:51 / 29/10/2019

Gjatë vizitës së tij shtetërore në Zagreb, Presidenti i Republikës Ilir Meta u nderua sot në një ceremoni solemne, nga Presidentja kroate Kolinda Grabar-Kitarović, me Titullin më të lartë të Republikës së Kroacisë, “Urdhri i Lartë i Mbretit Tomislav me Shirit dhe Yllin e Madh”, për kontributin dhe veprimtarinë e Tij të spikatur në forcimin e marrëdhënieve midis dy vendeve dhe popujve tanë, dhe fqinjësisë së mirë midis vendeve të Ballkanit Perëndimor.

Meta shprehu mirënjohjen e thellë për nderimin me titullin e lartë. “Ky vlerësim më motivon për të punuar pa u lodhur për forcimin e mëtejshëm të marrëdhënieve të shkëlqyera historike e tradicionale mes dy vendeve e popujve tanë në të gjitha fushat. Shqipëria dhe Kroacia, partnerë strategjikë, krah për krah në çdo sfidë!”, theksoi Presidenti Meta./abcnews.al

schedule17:51 / 29/10/2019