Pothuajse të gjitha vitaminat B luajnë një rol të rëndësishëm në funksionet e organeve gjenitale dhe hormoneve. Vitaminat A, C dhe E bashkëveprojnë së bashku me testosteronin për të zhvilluar disa nga karakteristikat mashkullore dhe prodhimin e spermës.
Por cilat janë ushqimet që sipas ekspertëve rrisin dëshirën seksuale.
1-Vitamina B: Humbja e epshit mund të ndodhë për shkak të mungesës së vitaminës B, e cila në përgjithësi ndikon në nivelet e energjisë. Përveç suplementeve që mund t’ju ndihmojnë, konsumoni sa më shumë ushqime të pasura me këto vitamina, të tilla si mish, vezë dhe perimet me gjethe jeshile.
2-Antioksidantët më të mirë janë ato që ndihmojnë në prodhimin natyral të energjisë të trupit dhe hormoneve.
Ekspertët rekomandojnë vitaminat A dhe E. Antioksidantët që ndihmojnë në rritjen e energjisë, stimulojnë qarkullimin e gjakut dhe të qelizave. Shumë ushqime të shëndetshme, të tilla si frutat, perimet, arrat dhe farat, do të ndihmojnë në rritjen e epshit tuaj.
3-Zinku: Është e ditur që mungesa e zinkut ndikon në epsh. Prandaj konsumimi i frutave të detit ndihmon në rritjen e dëshirës për seks.
4-Seleni është një element kimik që gjendet në arra, mishin e viçit ton dhe fara. Mos e teproni megjithatë, pasi në sasi të mëdha (mbi 400 mcg) mund të shkaktojë efekte anësore, të cilat përfshijnë probleme me zemrën, veshkat dhe mëlçinë, si dhe rrezikun e kancerit të prostatës.
5-Aminoacidet: Studimet kanë treguar se aminoacidet mund të ndihmojnë në stimulimin e epshit tek gratë, sepse ato rrisin qarkullimin e gjakut në zonën vaginale.
6-Acidet yndyrore Omega-3: Yndyrnat që gjenden në ushqime të tilla si salmoni, arrat dhe avokadot, ndihmojnë në qarkullimin e gjakut dhe zvogëlojnë simptomat e depresionit, një gjendje që lidhen drejtpërdrejtë me seksin.
7-Shmangni suplementet e panjohura: Kini kujdes nga substanca të ndryshme që duket sikur ju ndihmojnë të rrisni epshin. Ilaçi më i mirë është një dietë e shëndetshme, stërvitje dhe gjithçka që kontribuon në një humor të mirë.
8-Erëza: Sipas një studimi të vitit 2013 arrë myshku përmirëson performancën seksuale, ndërsa era e kanellës rrit dëshirën seksuale. Studimet kanë treguar se aroma e kanellës dhe bergamotit, rrisin dëshirën për seks.
9-Xhinxheri është përdorur për shekuj me radhë në mjekësinë kineze për të rritur epshin, dhe hulumtimet kanë treguar se gjithashtu ndihmon në trajtimin e mosfunksionimit erektil.
/abcnews.al
