Loading ...
Pasi mbylli një vit të suksesshëm me kualifikimin në plej-ofin e “Botërorit 2026”, kombëtarja e Shqipërisë kërkon të shkruajë historinë në sfidat e marsit të ardhshëm. Një mision I vështirë, por për presidentin e Federatës, Armand Duka dhe kapitenin Berat Gjimshiti, skuadra kuqezi do të luajë të gjitha shanset e saj.
Viti 2025 ishte I suksesshëm, por 2026 mund të jetë me të vërtetë historik. Kombëtarja e Shqipërisë do të luajë në muajin mars në play off e “Botërorit” me shpresën e madhe për të siguruar për herë të parë një biletë për në fazën finale të turneut. Presidenti i Federatës, Armand Duka nuk pushtohet nga euforia, por e di që skuadra kuqezi i ka të gjitha mundësitë për të luajtur shanset e saj.
Edhe kapiteni i kombëtares, Berat Gjimshiti shkon në të njëjtën linjë. Mbrojtësi u shpall lojtari kuqezi i vitit, por shpreson të udhëheqë skuadrën drejt arritjes historike. Në ndeshjet e play off, kombëtarja kuqezi ka edhe urimin e një një emri të madh të futbollit botëror si Esteban Cambiaso, i cili ishte i pranishëm në ceremoninë e “Topit të Artë”
Kombëtarja kuqezi do të luajë ndeshjen e saj të parë në play off e “Botërorit 2026” në fushën e Polonisë më 26 mars.
