Kryeministri hungarez, Viktor Orban, një mbështetës i flaktë i Trump, u shpreh i kënaqur me rezultatet e para të zgjedhjeve amerikane, ndërkohë që fitorja e kandidatit republikan është në horizont.
“Në rrugën drejt një fitoreje të bukur”, shkroi Orban në Facebook, duke e shoqëruar postimin me një foto të tijën përpara një ekrani televiziv që transmetonte numërimin e votave në SHBA.
Kryeministri nacionalist hungarez nuk e fsheh admirimin për mikun e tij Donald Trump, me të cilin u takua dy herë këtë vit./abcnews.al
