Presidentja e Komisionit Evropian, Ursula von der Leyen, ka reaguar pas rezultatit historik të zgjedhjeve në Hungari, duke përshëndetur ndryshimin politik në vend.
“Zemra e Evropës rreh më fort sonte,” shkroi Ursula von der Leyen.
Rezultati zgjedhor i ka dhënë një fitore të thellë liderit opozitar Péter Magyar, i cili ka arritur të mposhtë kryeministrin në largim Viktor Orbán, duke i dhënë fund një periudhe 16-vjeçare në pushtet.
Fitorja e Péter Magyar konsiderohet nga shumë analistë si një kthesë e madhe në politikën hungareze dhe në raportet e saj me institucionet evropiane.
/abcnews.al/


