Një grup hajdutësh vodhën hirin e mbetur të ish-liderit të Indisë, Mahatma Gandi, episod ky që përkoi me atë që do të ishte 150-vjetori i tij i lindjes.
Hiri u mor nga një memorial në një lokalitet në qendër të Indisë, ku mbahej që prej vitit 1948, që është dhe viti kur Gandi u vra nga një ekstremist hindu’.
Hajdutët shkruajtën gjithashtu fjalën “tradhtar” me spraj jeshil në fotografitë që portretizojnë liderin e pavarësisë.
Disa ekstremistë hindu’ e shohin Gandin si një tradhtar për mbrojtjen që u ka bërë hinduve myslimanë.
Policia në lokalitetin Reua konfirmoi se ka nisur hetimet mbi vjedhjen, që mund të ketë si synim prishjen e paqes në vend.
Policia u vu në lëvizje pasi lideri i Parlamentit lokal bëri një denoncim.
Mahatma Gandi udhëhoqi një rezistencë paqësore kundër kolonializmit britanik në Indi, duke frymëzuar njerëz në mbarë botën.
Edhe sot, shumë indianë e konsiderojnë atë si “babain e kombit”./ABC News Albania 24/7