Espanyoli fitoi 2-0 miqësoren e luajtur ndaj Lille, sfidë ku Keidi Bare dhe Edon Zhegrova e nisën si titullarë për ekipet respektive.
Katalanasit shënuan dy herë në pjesën e dytë me anë të Joselu dhe Puado, ndërkohë që Zhegrova dhuroi “show” në fushën e blertë.
Transferimi nga Basel te Lille në merkaton e janarit (7 milionë euro) i ka bërë mirë një prej lojtarëve më të talentuar të Kosovës.
23-vjeçari ka zhvilluar paraqitje të mira me ekipin francez dhe përfaqësuesen dardane, duke qenë një rrezik konstant për kundërshtarët në krahun e djathtë.
Kështu ka ndodhur edhe ndaj Espanyolit, me Zhegrovën që merr një top në mesin e fushës dhe driblon kë i del para, duke marshuar drejt portës kundërshtare.
Teknikë, talent dhe potencë, ylli dardan dribloi plot pesë lojtarë, por për fat të keq aksioni i bukur i tij nuk u konkretizua me gol.
Edon Zhegrova ?? goes for a run! ? pic.twitter.com/klmrZhpSG9
— R.D. Football Scout (@RdScouting) July 24, 2022
/f.a/abcnews.al
