“Çekiçët” e West Ham nuk kanë zhgënjyer as në ndeshjen e kthimit në gjysmë-finalen e UEFA Conference League, ndaj AZ Alkmaar, teksa kanë fituar me rezultatin e ngushtë 0 me 1, për të siguruar finalen e madhe të kompeticionit.
Goli i vetëm i sfidës erdhi në “frymën e fundit” të lojës, me spanjollin Pablo Fornals, i cili çoi mrekullisht topin në rrjetën e hollandezëve, për t’i dhënë fund “ëndrrës” së tyre evropiane në “AFAS Stadium”.
Me sigurimin e finales së madhe të Pragës, West Ham rikthehet në finalen e një kompeticioni evropian, pas plot 47 vitesh pritjes, ku në vitin 1976 arrinte finalen e “Kupës Evropiane të Kupave”, finale që e humbi përballë belgëve të Anderlecht. /i.m /abcnews.al
SHIKONI GOLIN:
