Manchester Cityt ka arritur të fitojë ndaj Real Madrid mbrëmjen e djeshme dhe kështu anglezët janë finalistë përballë Interit, sfidë e cila d otë luhet më 10 qershor në Stamboll.
Ajo që po bën xhiron nëpër rrjetet sociale është një video e “vezës mistike”. Një tifoz futbolli, i njohur në Tik Tok si @lavezzi1893, ka parashikuar rezultatet e ndeshjeve me eliminim direkt me saktësi të jashtëzakonshme duke përplasur vezët kokë më kokë, dhe sipas teoirsë së tij, City do të humbasë në finale kundër Interit.
Para çerekfinales së parë, ai mblodhi disa vezë të cilat i kishte vendosur emblemën e secilit ekip dhe filmoi veten duke i përplasur ato. Ajo vezë e cila nuk do të thyej, do të kalonte në fazën tjetër. Ai parashikoi saktë fitoren e Realit kundër Chelsea, të Manchester City kundër Bayern Munich, Milan kundër Napolit dhe Inter kundër Benfica. Më pas, bëri parashikimet e gjysmëfinaleve Inter-Milan dhe City-Real Madrid, dhe rezultuan të sakta, me Interin dhe Manchester City në finale.
Tifozi merr dy vezët e fundit të mbetura, me City dhe Inter të cilat i përplas së bashku dhe rezulton se veza që thyhet është ajo e Manchester City, pra sipas teorisë së tij, Interi fiton Champions League./h.ll/abcnews.al
