Vangjel Zguro ka shkëlqyer në javën e 27-të me Chattanooga Red Wolves. Skuadra e pogradecarit mposhti ekipin e Richmond dhe ai ishte protagonist absolut në këtë ndeshje. Kjo ka bërë që të përfshihet në formacion më të mirë të javës.
Jo vetëm kaq, por është përzgjedhur edhe si më i miri. Në faqen e USL shkruhet për shifrat e regjistruara nga Zguro, i cili ka mundur të krijojë disa raste goli për Chattanooga Red Wolves.
“Zguro dha një asist dhe krijoi gjashtë raste goli për shokët e skuadrës, dha me sukses 16 nga 22 pasimet e nisura, dribloi në të katër tentativat e nisura dhe rikuperoi pesë topa për Red Wolves në fitoren kundër Richmond”, shkruhet për Zguron në faqen e USL League One. /abcnews.al
