Shorti nuk tregohej aspak bujar me Laçin verën e kaluar. Bardhezinjtë, që atë periudhë drejtoheshin nga Sulejman Starova, u përballën në turin e parë të Europa League kundër Hapoel Beer Sheva.
Dueli i parë u luajt në Laç dhe Kyrian Nwabuezes i mjaftuan tre minuta për të debutuar me gol me ekipin e ri. Miqtë nga Izraeli barazuan rezultatin 12 minuta përpara fundit me anë të Gal Levi dhe takimi u mbyll në barazim 1-1.
Ekipi kurbinas zhvillonte një ndeshje shumë të mirë. Njësoj edhe në sfidën e kthimit në Izrael, që mbyllej me fitoren 1-0 të vendasve, të cilët vuajtën për të eliminuar bardhezinjtë.
https://streamable.com/6yawh9
Rikthehemi te sfida e parë. Ishte 12 korriku i vitit 2019, saktësisht si sot një vit më parë dhe Redon Xhixha ishte pak cm larg shënimit të një goli të pabesueshëm në minutën e 31-të, moment që sulmuesi laçian e kujton sërish në rrjetet sociale. 21-vjeçari lëshonte një goditje nga rreth 60 metra.
Portieri mik kishte dalë nga porta, por ia doli të prekte topin, që përfundoi në traversë. I pafat sulmuesi i talentuar dhe Laçi, që do të kishte shkuar në avantazh të dyfishtë dhe ndeshja do të merrte një tjetër rrjedhë. /abcnews.al
