Festojnë Everton dhe Tottenham. Skuadra e Carlo Ancelotti ia doli në transfertë kundër West Brom me rezultatin e ngushtë 0-1. Heroi i tyre ishte Richarlison, me një goditje me kokë në fillim të pjesës së dytë.
https://streamable.com/ejxzm7
Everton kështu ngjitet sërish në zonën Champions, duke parakaluar West Ham United. Fitore minimale arriti edhe Tottenham, 0-1, në derbin e Londrës kundër Fulham.
Një ndeshje e luftuar, me vendasit që u munduan shumë. Derbi u zhbllokua që në minutën e 19-të, kur Adarabioyo devijoi një top në portën e tij dhe i dha epërsinë skuadrës së Mourinho.
https://streamable.com/st04d1
Maja në fillim të pjesës së dytë shënoi për Fulham, por me ndihmën e VAR arbitri e anuloi për një prekje me dorë. Deri në fund Tottenham e ruajti epërsinë dhe mori tre pikët. Tani “Spurs”-at janë 4 pikë larg zonës Champions. /abcnews.al
Premier League – Java 29
Fulham-Tottenham 0-1
Shënues: Adarabioyo (aut.) 19’
West Brom-Everton 0-1
Shënues: Richarlison 65’
