Loading ...
Dje, në Holandë përpara sfidës mes Ajax dhe Heracles, në ‘Fox Sports’ ishte i ftuar legjenda e kombëtares holandeze, Marco Van Basten. Holandezi, i cili cilësohet si një nga sulmuesit më të mirë të të gjitha kohërave, i habiti shikuesit sepse gjatë intervistës përdori një shprehje naziste.
‘’Jo shumë e bukur, sieg heil’’, deklaroi Van Basten. Shprehja është përdorur gjatë luftës së dytë botërore nga gjermanët dhe vjen pikërisht në ditën kundër racizmit në Holandë. Fjalët e tij shkaktuan një ‘tërmet’ në rrjetet sociale, pasi kishte reagime të shumta.
Më vonë ish-sulmuesi i Milanit kërkoi falje publikisht, por tashmë la shumë komente pas. “Qëllimi im nuk ishte t’i shokoja njërëzit, thjesht doja të shpjegoja fjalën’’, deklaroi 55-vjeçari. Fjalët e tij janë cilësuar si shaka pa vend nga mediat në Holandë, edhe pse Van Basten e theksoi se nuk kishte asnjë qëllim. /abcnews.al
Wow. Marco van Basten. Ongelooflijk. pic.twitter.com/tkm8mJpBmZ
— Yorin (@TheReaIYorin) 23 November 2019
