Alvaro Morata këtë sezon te Juventus është një nga lojtarët më në formë, por edhe ai ka momentet e tij të vështira. Një prej tyre e përjetoi në një rast në portën e Atalantas këtë mbrëmje.
Spanjolli kishte dy mundësi të arta brenda pak sekondash. Fillimisht ish-madrileni doli përballë me Gollininn, por vendosi të pasojë për Ronaldon. Portugezi e mori keq dhe nuk arriti të godasë, ndërsa sfera shkoi sërish te Morata.
Sulmuesi ishte i pa shqetësuar nga kundërshtarët dhe tentoi të godiste me thembër, por tentativa e tij rezultoi një dështim i vërtetë, që tashmë është bërë virale në rrjetet sociale. /abcnews.al
