Milani ka fituar me rezultatin 0-2 në transfertën e vështirë përballë Cagliarit. Kuqezinjtë e Piolit vuajtën në pjesën e parë përballë një ekipi shumë të organizuar në mesfushë.
Megjithatë, pjesa e dytë foli e gjitha kuqezi. Të besuarit e Stefano Piolit e nisën menjëherë në sulm fraksionin e dytë të lojës dhe brenda 40 sekondash, arritën të shënonin. Castillejo jep një pasim perfekt për Leaon, i cili e kontrollon topin në mënyrë të shkëlqyer dhe arrin të shënojë.
Në minutën e 64-ët, do të vinte dhe goli i shumëpritur i Zlatan Ibrahimovic. Bomberi suedez shënon një gol shumë të bukur me të majtën, pas krosimit të Theo Hernandez. Fitore thuajse perfekte e Milanit, që merr tre pikë shumë të rëndësishme./abcnews.al
Serie A, java 19
Cagliari – Milan 0-2
Leao 46′, Ibrahimovic 64′
