Kosovare Asllani ka gjetur golin e parë në Lojërat Olimpike të Tokios. Sulmuesja dardane përfaqëson Suedinë në futbollin e femrave, aty ku është ylli i skuadrës.
Kombëtarja nordike fitoi 3-1 ndaj Japonisë, duke siguruar kualifikimin në gjysmëfinalet e Tokio 2020. 32-vjeçarja e Real Madrid gjeti rrjetën në mesin e pjesës së dytë.
Ishte minuta e 68-të kur Asllani ktheu në gol një penallti të cilën e fitoi vetë. Topi në njërin krah, portierja aziatike në krahun tjetër dhe 3-1 për Suedinë.
Vikinget do të kenë përballë Australinë në duelin për një biletë në finalen e madhe. Sfida do të luhet më 2 gusht, duke nisur prej orës 13:00. /abcnews.al
