Ndeshje spektakolare është zhvilluar në Golden 1 Center të Sacramentos, ku Sacramento Kings janë përballur me Los Angeles Lakers.
Ka qenë një ndeshje e barabartë deri në fund të saj, me dy skuadrat që krijonin epërsi të ngushtë herë pas here.
De’Aaron Fox ka qenë fantastik në këtë duel dhe më i dalluari për fitoren e Kings me 37 pikë, tetë asistime e katër kërcime.
Me lojë të mirë u dallua edhe Malik Monk me 22 pikë, derisa Sabonis shtoi 12 pikë e 15 kërcime.
Anthony Davis kishte paraqitje fantastike te Lakers me 30 pikë e 16 kërcime, ndërsa LeBron James shtoi 27 pikë të tjera e 15 kërcime, por që nuk mjaftuan për fitore./ h.ll/abcnewsa.al
