FCSB (ish Steaua Bucurest) dhe Gaz Metan po përballen mes tyre në Rumani prej orës 19:30. Kjo ndeshje ka nisur me një surprizë për shqiptarët, pasi në fillim të takimit është hapur një pankartë me mbishkrimin “Lutu për Shqipërinë”, në anglisht.
Lojtarët e të dyja ekipeve e mbajtën atë dhe pozuan me njëri-tjetrin, në shenjë solidariteti me të prekurit nga tërmeti i 26 nëntorit. Më të dyja këto ekipe kanë luajtur futbollistë shqiptarë në të shkuarën.
Kamer Qaka ka qenë pjesë e FCSB, kurse me Gaz Metan ka shkëlqyer sulmuesi Azdren Llullaku, për disa sezone. Kjo nismë është mbështetur nga Federata e Futbollit Rumun dhe në çdo ndeshje do të hapet pankarta “Pray for Albania”. /abcnews.al
Liga??Futbollit Profesionist i është bashkuar thirrjes së @AlEmbRomania për solidaritet me popullin Shqiptar në këto momente të vështira.Të gjitha ndeshjet fillojnë me një banderole ku afishohet Pray for Albania & https://t.co/BxurI7zdJW. National Arena Stad. #Bucharest ????? pic.twitter.com/KhTHBIIa3a
— Ilir Tepelena (@IlirTepelena) December 6, 2019
