Mike Dean ka tërbuar mesfushorin e Leicester, James Maddison. Lojtari i kombëtares angleze, i cili po shkëlqen me “Dhelprat”, është i habitur se si në ndeshjen e djeshme në Kupë kundër Aston Villa, nuk u dha një penallti e dukshme.
“Bravo për Aston Villa që shkoi në finale dhe nuk duam të justifikohemi. Por si ka mundësi që një arbitër i Premier League, i cili e sheh këtë nga këndvështrime të ndryshme disa herë, arrin në përfundimin se nuk është penallti?! Kjo është ajo që më shqetëson”, shkruan Maddison.
Mesfushori ka postuar edhe videon e rastit në fjalë, ku shihet qartazi se lojtari i Aston Villa e ndal topin me dorë dhe duhet të ishte akorduar penallti. Fatkeqësisht diçka e tillë nuk ndodhi dhe Leicester pas humbjes 2-1 e mbylli rrugëtimin në Kupën e Ligës. /abcnews.al
Fair play to Aston Villa for getting to the final and not making any excuses but how a premier league referee watching this from multiple angles several times comes to the conclusion that this isn’t a penalty baffles me. pic.twitter.com/yU7uwVuLTc
— James Maddison (@Madders10) January 29, 2020
