Shqipëria, Kazakistani, Bjellorusia dhe Lituania, të gjitha në një grup që po prodhon çudi. Katër ndeshje të luajtura dhe të gjitha të përfunduara me triumfet e skuadrave udhëtuese. Fillimisht gëzuan kuqezinjtë tanë në Minks, ndërkohë që edhe kazakët mposhtën Lituaninë.
Këta të fundit e provuan shijen e fitores mbrëmjen e djeshme, kundër Shqipërinë në “Air Albania Stadium”. Rezultat i çuditshëm, sikurse edhe goli i shënuar. Gafë e Klaus Gjasulës dhe Lituania nuk mund të gabonte. E shfrytëzoi dhuratën dhe mori tre pikët.
Edhe Bjellorusia i kishte qejf dhuratat dhe pak orë më parë e kishte marrë një të tillë nga Kazakistani. Ndeshja u vendos nga një gol i falur nga vendasit dhe në Minks me siguri kanë festuar. Vetëm dy ndeshje dhe të katër skuadrat numërojnë nga tre pikë, në grupin që deri në fund mund të prodhojë të tjera çudi. /abcnews.al
