Është mbyllur takimi i parë gjysmëfinal i Kupës së Shqipërisë mes Bylisit dhe Tiranës, me ballshiotët që fituan me përmbysje me shifrat 2-1. Ishin bardheblutë e Egbo ata që kaluan të parët në avantazh.
Në minutën e 20-të, Edon Hasani kërcen më lart se të gjithë gjatë ekzekutimit të një goditje këndi dhe gjuan bukur me kokë, duke mposhtur portierin vendas dhe duke zhbllokuar shifrat. Me rezultatin 0-1, u mbyll pjesa e parë.
Në të dytën, protagonist absolut ishte Valentino Murataj. Numri 10 i Bylis shënoi dy gola për përmbysjen, fillimisht në minutën e 65-të. Doka bën mirë në momentin e parë dhe i largon topin Goxhajt, por topi shkon te Murataj që barazon.
Ndërsa në të 76-ën, Murataj do të shënonte sërish. Goxhaj gjuajti fort me të majtën brenda zone, por u ndal nga Lika. Topi i kthyer nga portieri, shkoi në këmbët e Muratajt, i cili vulosi fatet e takimit dhe fitoren 2-1 për Bylisin./abcnews.al
Kupa e Shqipërisë, gjysmëfinale
Bylis – Tirana 2-1
Murataj 65’ 76’ / Hasani 20’
