Sheffield United triumfoi me përmbysje 2-1 në sfidën e vetme të luajtur sot në Premier League. Të besuarit e Chris Wilder e panë veten në disavantazh, pasi sulmuesi i Bournemouth, Callum Wilson, shënoi në minutën e 13-të të takimit.
Megjithatë, “Shpatat” nuk u dorëzuan dhe arritën të përmbysin gjithçka. Fillimisht, ishte sulmuesi Billy Sharp ai që barazoi, në sekondat e fundit të pjesës së parë. Në pjesën e dytë, të dy skuadrat kishin mundësi të shënonin golin e fitores, por ishin sërish vendasit që shënuan.
Mesfushori John Lundstream ishte njeriu që i dha fitoren Sheffieldit, në minutën e 85-të të sfidës. Ky gol, ishte i katërti në Premier League për mesfushorin e lindur në Liverpul, i cili po bën një sezon të shkëlqyer. Sheffield ngjitet në kuotën e 39 pikëve në vend të pestë, vetëm 2 pikë larg vendit të katërt që të çon në Champions League, pozitë që mbahet aktualisht nga Chelsea./abcnews.al
Premier League, java 26
Sheffield United – Bournemouth 2-1
Sharp 45′, Lundstream 85′ / Wilson 13′
