Orebro nuk shkoi më shumë se një barazim 1-1 në shtëpi përballë Goteborg. Golin e shënoi Agon Mehmeti pas rreth një ore lojë, por miqtë fituan një penallti gjashtë minuta përpara fundit, e kthyen në gol atë dhe evituan humbjen.
30-vjeçari shfrytëzoi një kros të Larsson në minutën e 58-të dhe u zhyt bukur me kokë, duke gjetur golin e katërt në elitën e futbollit suedez (Allsvenskan) për këtë sezon.
Agon Mehmeti debutoi me kombëtaren shqiptare 6 shtatorin e vitit 2013 në ndeshjen e eliminatoreve të Botërorit 2014 kundër Sllovenisë. Tre herë veshi fanellën kuqezi sulmuesi nga Podujeva, i cili ka luajtur me klube si Malmo dhe Palermo. /abcnews.al
