Real Madrid ka mposhtur me rezultatin e pastër 3-0 Valencian, por ky rezultat, nuk përshkruan më së miri mënyrën si vajti takimi. Djemtë e Zidane vuajtën për shumë minuta, me Valencian që besoi te një rezultat pozitiv në “Alfredo Di Stefano”.
Gjithsesi, një moment magjie nga Hazard, që shërbeu si asist për Benzema, çoi shifrat 1-0 në favor të “Galaktikëve”. Edhe pse në disavantazh, Valencia nuk u dorëzua dhe qëndroi në lojë, në kërkim të golit të barazimit.
Gjithçka ndryshoi me futjen e Marco Asensios në fushën e lojës. Talenti spanjoll u aktivizua në minutën e 74-ët dhe 30 sekonda më vonë, arriti të shënojë. Në të 86-ën, Asensio asistoi për Benzema, me sulmuesin francez që vendosi rezultatin final të sfidës në 3-0./abcnews.al
La Liga
Real Madrid – Valencia 3-0
Benzema 61’ 86’, Asensio 74’
