Është mbyllur në barazim 2-2 takimi mes Shqipërisë dhe Andorrës, që u luajt në “Elbasan Arena”. Kjo sfidë ishte e vlefshme për kualifikueset e Euro 2020 dhe të dyja skuadrat kanë ndarë nga një pikë. Shqipëria vinte në këtë takim si favorite absolute, por nuk ia ka dalë të marrë më shumë se një pikë.
Ishin kuqezinjtë tanë ata që kaluan të parët në avantazh, që në minutë ne pestë. Balaj shënoi me kokë nga një krosim i Odise Roshit, duke bërë të mendohej se do të ishte një fitore e thjeshtë për të besuarit e Rejës. Megjithatë, miqtë befasuan, duke arritur të barazonin në minutën e 17-të. Cristian Martinez do të gjente rrjetën pas një aksioni të bukur. Pjesa e parë u mbyll me rezultatin 1-1.
Në të dytën, Andorra do të befasonte. Sërish Cristian Martinez, në minutën e 47-të, do të arrinte të gjente rrjetën. Reagimi i kuqezinjve tanë ishte i menjëhershëm, me Rey Manaj që do të shënonte një gol shumë të bukur në minutën e 55-të. Ky gol, vendosi dhe rezultatin final të sfidës, pavarësisht se rastet nuk munguan për kuqezinjtë tanë./abcnews.al
E enjte, më 14 nëntor 2019, 20:45
Stadiumi “Elbasan Arena, Elbasan
SHQIPËRI-ANDORRË 2-2
Balaj 6′, Manaj 55′ / Martinez 17′ 47′
SHQIPËRIA: Berisha, Ismajli, Gjimshiti, Veseli, Roshi, Ramadani (Seferi 73′), Ndoj (Bare 65′), Memushaj, Trashi (Hysaj 46′), Manaj, Balaj. Trajner: Edoardo Reja
ANDORRA: Gomes, Martinez, Vales, Garcia, Clemente, Moreno, Alaez, San Nicolas, Cervos, Rubio, Llovera. Trajner:
Gjyqtarë: Kristo Tohver, Silver Koiv, Aron Härsing, Roomer Tarajev (EST)
Kartonë të verdhë: Balaj 90’ / Rubio 19’, Clemente 43’, Llovera 44’, Cervos 90’
EPISODET –
90+1’ – Rast i artë për Seferin. Hysaj kroson bukur nga krahu i djathtë dhe sulmuesi gjuan fort me kokë, por topi shkon ngjitur me shyllën! Shumë pranë golit…
85’ – Çfarë shansi për Djimsiti. Roshi sërish protagonist nga krahu i djathtë dhe krosimi i tij, gjen saktë mbrojtësin. Djimsiti gjuan me të parën, por sfera e goditur prej tij shkon jashtë kuadratit.
79’ – Shpërthim i mirë i Rey Manaj nga krahu i djathtë. Sulmuesi kuqezi driblon dy kundërshtarë dhe i treti i ndërhyn ashpër, por sipas gjyqtarit, nuk ka penallti.
67’ – Roshi, i spostuar në krahun e majtë, harkon në mënyrë të shkëlqyer në qendër, por Hysaj është larg sferës. Shqipëria ende në kërkim të golit të avantazhit
63’ – Pranë golit Shqipëria. Memushaj kroson mirë nga një goditje dënimi, por topi i devijuar nga Ismajli, shkon në duart e portierit mik.
55’ – Gooool Shqipëria, barazon Rey Manaj. Sulmuesi kuqezi rikthen baraspeshën në “Elbasan Arena”, pas atij goli të Martinez dy minuta pas rifillimit të sfidës.
47’ – Shënojnë sërish miqtë nga Andorra. Cristian Martinez shënon golin e dytë personal, për të kaluar në avantazh miqtë. Befasohet Shqipëria, që konsiderohej favorite absolute për këtë sfidë!
46’ – Ka nisur me zëvendësim pjesa e dytë. Trajneri Reja ka aktivizuar Elseid Hysajn në vend të Lorenc Trashit.
45’ – Mbyllet pjesa e parë në “Elbasan Arena”, me rezultatin 1-1. Bekim Balaj shënoi për Shqipërinë, ndërsa Cristian Martinez barazoi për miqtë e Andorrës.
41’ – Ka pretendime për penallti nga lojtarët tanë kuqezi, por arbitri nuk sheh prekje të topit me dorë dhe vazhdon lojën.
35’ – Ismajli pranë supergolit. Mbrojtësi gjuan nga një distancë e largët pa u menduar dy herë dhe tentativa e tij shkon pranë kuadratit. Ende në barazim 1-1 sfida.
32’ – Trashi del dy herë mirë nga krahu i majtë dhe arrin të krosojë, por tentativat e mbrojtësit të Partizanit nuk gjejnë asnjë nga shokët e skuadrës
25’ – Roshi është aktiv nga krahu i djathtë dhe kroson sërish drejt qendrës, por as Balaj e as Manaj nuk ndodhen në shtyllën e dytë.
23’ – Kombinime të shkëlqyera mes Manaj dhe Memushajt, por gjuajtja e këtij të fundit ndalet nga portieri mik. Roshi kërkon të përfitojë nga topi i kthyer, por pa rezultat.
22’ – Dominojmë në mbajtjen e topit, por kuqezinjtë nuk po arrijnë të rikthehen në avantazh. 67-33% zotërimi i topit nga skuadrat, në favor të Shqipërisë.
17′ – Shënon Andorra. Miqtë arrijnë të barazojnë rezultatin në minutën e 17-të, pas një aksioni shumë të bukur. Në gjumë mbrojtja kuqezi.
6’ – GOOOL Shqipëria! Bekim Balaj arrin të shënojë me kokë në minutën e gjashtë të sfidës. Një krosim nga e djathta e Odise Roshit shfrytëzohet mjaft mirë nga bomberi shkodran, që mposht portierin mik nga një distancë e afërt!
3’ – Kërcënimi i parë në portën e Andorrës, Ndoj pranë golit
1’ – Ka nisur takimi në “Elbasan Arena”, me kuqezinjtë tanë që janë hedhur menjëherë në sulm.
