Bobby, qeni portugez që u shpall qeni më i vjetër në botë në shkurt, festoi ditëlindjen e tij të 31-të.
Familja e tij planifikoi një festë ditëlindjeje të shtunën në shtëpinë e tyre në Conqueiros, një fshat në Portugalinë jugore.
Më parë, pronari Leonel Costa i tha Guinness se do të jetë një festë shumë tradicionale portugeze, në të cilën do të marrin pjesë më shumë se njëqind njerëz dhe do të performojë edhe një trupë vallëzimi.
Costa tha se Bobby ka pasur shumë vëmendje që kur mori titullin e qenit më të vjetër në botë dhe se shumë gazetarë dhe njerëz nga e gjithë bota vijnë për të bërë foto me të.
Ai shtoi se qeni është në gjendje të mirë shëndetësore dhe së fundmi ishte ekzaminuar për shkak të stresit nga vizitorët e shpeshtë dhe fotografitë.
Bobby është një racë e qenit portugez, dhe sipas pronarit të tij, ai ka pasur vështirësi në ecje dhe shikimi i është dobësuar vitet e fundit.
Costa ia atribuoi jetëgjatësinë e qenit të tij pjesërisht mjedisit të qetë në të cilin ai jeton. Përveç që është qeni më i vjetër që jeton aktualisht, Bobby është gjithashtu, sipas Librit të Rekordeve Guinness, qeni më i vjetër ndonjëherë./abcnews.al
