Khabib Nurmagomedov e mbylli karrierën e tij si i pamposhtur, pasi deklaroi tërheqjen nga UFC pas triufmit kundër Justin Gaethje. Luftëtari tregoi dhe një herë tjetër se në peshën e tij është më i mirë sepse sfida zgjati vetëm dy raunde.
Në përfundim të ndeshjes së madhe ajo që ra në sy ishte biseda që patën ata mes tyre. Kampioni rus e quajti Gaethjen një njeri të madh dhe e falenderoi atë për këtë duel. Gjithashtu Khabib kishte dhe një mesazh për të, ku i pamposhturi edhe u përlot.
“Be close with your parents. You never know what will happen tomorrow.”
— SPORTbible (@sportbible) October 24, 2020
“Faleminderit shumë Justin, faleminderit vëlla. E di që ti je një njeri i madh dhe se si i trajton njerëzit e tu të ngushtë. Di shumë gjëra rreth teje, por qëndro afër me prindërit e tu. Asnjëherë nuk i dihet se çfarë do të ndodhë të nesërmen”, ishin fjalët e Nurmagomedov. Kujtojmë se ai humbi babain e tij disa muaj më parë nga Covid-19 dhe pikërisht humbja e tij ishte dhe shkaku i tërheqjes së Khabib nga MMA.
“I haven’t had the chance to tell you, but I’m so sorry for your loss.”
“You just made your father really proud!” ♥️@Justin_Gaethje is nothing but a class act. He told @AdamCatterall what he said to Khabib after the fight ? pic.twitter.com/km8rHmOTlR
— UFC on BT Sport (@btsportufc) October 24, 2020
Sigurisht që pati dhe një reagim nga luftëtari amerikan, i cili shprehu të njëjtin respekt për Khabib. “Nuk kam patur mundësinë ta ngushëlloj për humbjen e babait, por ti e ke bërë shumë krenar atë sonte”, ishin fjalët e Gaethjes pas duelit. /abcnews.al
