Mallorca e Vedat Muriqi ka vazhduar serinë e ndeshjeve pa humbje në La Liga, teksa mbrëmjen e kësaj të shtune ka siguruar barazimin, 1 me 1, në “Estadi Mallorca Son Moix” ndaj skuadrës së Valencia, në përballjen e vlefshme për javën e 9 të Kampionatit spanjoll.
E gjithë sfida u vendos në pjesën e parë, ku fillimisht “pirati” i Kosovës, Vedat Muriqi dhuron një asistim për Daniel Rodriguez, duke marrë avantazhin që në minutën e 5’-të të sfidës dhe pas 45 minutash, “bomberi” i Valencia, Diego Lopez çon topin në rrjetë për të mbyllur pjesën e parë me rezultatin, 1 me 1 e më pas të gjithë sfidën.
Me këtë rezultat, Mallorca e Muriqit ngjitet në vendin e 9 të tabelës, me 11 pikë, 1 më pak se Real Betis i vendit të 8 dhe 1 më shumë se Osasuna e vendit të 10, ndërsa Mallorca mbetet në vendin e 14 të renditjes me 8 pikë. /i.m /abcnews.al
SHIKONI GOLAT:
