Një automjet është përfshirë nga flakët këtë të mërkurë në lagjen “Kastriot” në qytetin e Fierit.
Sipas burimeve të informacionit shkak dyshohet të jetë bërë një shkëndijë elektrike në pjesën e motorit para mjetit. Drejtuesi i mjetit ka arritur të dalë sapo ka parë tymin e krijuar nga shkëndija elektrike.
Ndërkohë në vendngjarje ka mbërritur shërbimi zjarrfikës, policia dhe grupi i ekspertëve.
Për disa minuta qarkullimi i mjeteve është bllokuar duke krijuar radhë automjetesh. /abcnews.al
