Brighton surprizoi sot Liverpoolin dhe e ndali me shifrat 1-1. Gola nuk pati shumë, por ishte ndeshje e karakterizuar nga disa episode. Fillimisht në minutën e 20-të Brighton humbi një penallti me Maupay, i cili goditi jashtë.
Më pas në minutën e 35-të Salah mësyu në zonën kundërshtare dhe shënoi, por VAR ndërhyri dhe e anuloi golin e yllit nga Egjipti. Pjesa e parë u mbyll në barazim pa gola, teksa në të dytën i zakonshmi Jota kaloi në avantazh skuadrën e Klopp në minutën e 60-të.
Golat dhe rastet e BRIGHTON – LIVERPOOL
Brighton nuk kishte ç’humbte dhe avancoi përpara, duke sulmuar portën e kampionëve dhe nuk i doli keq si ide. Në minutën e parë të shtesës Robertson i shkaktoi faull në zonë Welbeck dhe VAR vendosi për penallti.
Këtë herë e mori përsipër Grob dhe nuk gaboi, duke mbyllur ndeshjen në 1-1 dhe i marrë kampionëve një barazim me shumë vlera. /abcnews.al
