E pabesueshme dita e sotme në Premier League. Gjithçka nisi me humbjen e Leicester në shtëpi 0-3 ndaj Ëest Ham, më pas turpërimi i Manchester United 1-6 në “Old Trafford” ndaj Tottenham. Por, çmenduritë nuk mbaruan këtu…
Pak çaste më parë, u mbyll takimi mes Aston Villa dhe Liverpool, në “Villa Park”. Rezultati? 7-2 për ekipin nga Birmingham, që turpëroi kampionët në fuqi. E pabesueshme, por në futboll nuk mungojnë surprizat.
Vështirë të gjesh fjalë për këtë humbje të Liverpool, që bëhet ekipi i parë kampion në Premier League që pëson 7 gola në një takim. Dhe shumë rekorde të tjera negative për të kuqtë e Klopp. Përfundimisht, një natë për t’u harruar.
Ëatkins shënoi tripletë që në pjesën e parë për Aston Villa, debutuesi Barkley gjeti rrjetën, edhe kapiteni Grealish shënoi dy herë. Momo Salah shënoi dopietë për Liverpool, për ta bërë rezultatin më pak të turpshëm. Por nga ky rezultat, vështirë që Liverpool të shpëtojë. Një natë e zezë për “The Reds”./abcnews.al
GOLAT/ ASTON VILLA 7-2 LIVERPOOL
