Një ngjarje e rëndë ka ndodhur në një restorant në Itali, pasi një klient ka qëlluar mbi punonjësin e një fast foodi pasi nuk po i vinte në kohë porosia.
Ngjarja ka ndodhur në Peskara, ku 29-vjeçari Federico Pecorale qëllon me pistoletë 4 herë mbi një të ri domenikan, Yelfry Rosado Guzman, pasi ky i fundit nuk i kishte sjellë në kohë porosinë klientit të uritur.
Siç shihet edhe në video, klienti ka debatruar fillimisht ashpër me kuzhinierin dhe më pas ka qëlluar 4 herë në drejtim të tij duke e plagosur rëndë.
Policia kishte arrestuar më pas të dyshuarin teksa largohej në autostradën A14 drejt Pesaro, Urbino. Oficerët kishin gjetur dhe pistoletën automatike që besohet se është përdorur në incident.
E përditshmja vendase La Reppublica shkruan se Pecorale merrte një pension paaftësie pas një aksidenti automobilistik, i cili e kishte lënë me dëmtime në kokë kur ishte 19 vjeç.
Avokati i tij Florenzo Coletti thë për rrjetin Il Centro se klienti i tij mban armë me vete pasi ‘e tallin’ shpesh për paaftësinë e tij.
/Abcnews.al/
