Newcastle në këtë sezon po kalon një periudhë të vështirë. Në gjashtë ndeshjet e fundit ata numërojnë po aq humbje, teksa renditen në vendin e 16, afër zonës së ftohtë të rënies nga Premier League.
Mbrëmë skuadra bardhezi u mund nga Leeds United me shifrat 2-1, por përtej kësaj vëmendje të madhe ka marrë një video e nxehjes para ndeshjes të lojtarëve të Newcastle.
Newcastle warm up ? Are ya alreet, hinny? #UpTheToons https://t.co/BQKgYJdwDL
— THRAZpilicueta ⭐️⭐️ (@THRAZpilicueta) January 27, 2021
Është momenti për të rregulluar shënjestrën para portës dhe lojtarët gjuajnë njëri pas tjetrit. Askush nuk godet në portë dhe në një rast sfera shkon deri në tunelin e daljes nga stadiumi.
Komentet e tifozëve kanë qenë të shumtë, teksa pyesnin sesi mund të godasin në mënyrë të tillë lojtarë të Premier League.
Një moment i vështirë ky, që tregon qartë situatën e skuadrës dhe besimin e humbur të lojtarëve. Vitin e shkuar Newcastle mund të përfundonte në pronësi të princit të Arabisë Saudite, por në fund gjithçka u bllokua. /abcnews.al
