Arsenali la pas krahëve zhgënjimin e pësuar nga eliminimi në gjysmëfinalen e Europa League. “Topçinjtë” dështuan përballë Villareal, teksa sot arritën suksesin e dytë radhazi në Premier League.
Djemtë e Mikel Artetës mposhtën në shtëpi 3-1 WBA dhe vijojnë të jenë në garë për një biletë evropiane për sezonin e ardhshëm.
FULL-TIME Arsenal 3-1 West Brom
Goals from Smith Rowe, Pepe and Willian confirm relegation for West Brom #ARSWBA pic.twitter.com/9NoOOpQJSl
— Premier League (@premierleague) May 9, 2021
Vendasit zgjidhën gjithçka në pjesën e parë. Emile Smith Rowe zhbllokoi takimin në minutën e 29-të, ndërsa Nicolas Pepe dhuroi “show” gjashtë minuta më vonë.
“Predha” e sulmuesit nga Bregu i Fildishtë përfundoi në rrjetë. Ekipi mik reagoi në pjesën e dytë, duke shkurtuar rezultatin në minutën e 67-të.
Matheus Pereira mori topin nga gjysmëfusha e tij, marshoi i vetëm dhe ia doli të realizojë një gol shumë të bukur. WBA mori zemër, por Arsenali shënoi një tjetër gol.
Ishte minuta e fundit e ndeshjes kur Willian, një tjetër lojtar brazilian, ekzekutoi në mënyrë mjeshtërore një goditje dënimi.
Topi në trekëndësh dhe 3-1 për Arsenalin, që renditet në vend të nëntë në Premier League me 52 pikë, katër pikë larg zonës Europa League. /abcnews.al
