Në IPKO Superliga, lufta për titullin kampion është e çmendur. Sidomos pas fitores së Gjilanit në derbi në fushën e Dritës, çka ka bërë që tre ekipe të besojnë realisht te titulli kampion.
Drita kryesuese mbeti në kuotën e 65 pikëve, ndërsa Ballkani me barazimin e sotëm kundër Prishtinës 2-2, u ngjit në kuotën e 64 pikëve në vend të dytë. Në vend të tretë, Gjilani që mposhti 0-2 në derbi Dritën, me 64 pikë.
Pikërisht pas kësaj fitore ndaj kryesuesve, festa e lojtarëve të Gjilanit, bashkë me tifozët e kuq, ishte e çmendur. Nuk pyesin për pandemi, pasi fitorja e sotme, ishte me të vërtetë shumë e domosdoshme, jo vetëm për faktin që u fitua derbi i Anamoravës, por dhe për faktin se Gjilani tashmë mund të besojë për titullin kampion./abcnews.al
