Pajtim Kasami zhvilloi një ndeshje të madhe, por Sion nuk ia doli të evitonte humbjen në shtëpi përballë Young Boys. Kampionët në fuqi fituan 3-4, teksa të tre golat e vendasve u shënuan nga mesfushori me origjinë nga Gostivari.
27-vjeçari realizoi dy herë në mesin e pjesës së parë brenda një minute (Lenjani ishte deçiziv në golin e dytë), teksa plotësoi tregolëshin në minutën e 69-të. Për fat të keq, golat e tij shërbyen vetëm në aspektin personal pasi Sion u mposht.
Young Boys vazhdon të kryesojë kampionatin zviceran me 34 pikë dhe ndiqet nga Basel me katër pikë më pak, ndërsa Sion renditet në vend të gjashtë me 21 pikë. /abcnews.al
