“Kuqezinjtë” e Milan janë tronditur jo pak në pjesën e parë të sfidës ndaj “bardhezinjve” të Juventus, teksa që prej minutës së 40 kanë mbetur me 10 lojtarë, pas daljes me kartonin e kuq nga fusha e blertë të qendërmbrojtësit gjerman, Malick Thiaw.
Pasi merr një pasim të bukur, “fantazisti” italian, Moise Kean driblon bukur 22-vjeçarin gjerman, mirëpo, ky i fundit nuk e lejoi italianin të kishte një rast “të artë” përballë portierit Mirante e për këtë aryse e ka tërhequr italianin nga fanella, duke e detyruar arbitrin Mariano ta ndëshkojë atë me kartonin e kuq.
Vetëm 3 minuta më pas erdhi dhe zëvendësimi i parë në radhët e “kuqezinjve”, me teknikun Stefano Pioli, që vendosi të zëvendësonte anësorin Christian Pulisic, me mbrojtësin francez, Pierre Kalulu, për të patur më shumë lojtarë në prapavijë, ndërkaq, kujtojmë se përballja vijon të jetë në rezultatin 0 me 0. /i.m /abcnews.al
SHIKONI VIDEON:
