Finiqi, më i dëmtuari nga reshjet/ Situatë e rëndë në fshatin Navaricë, përroi përmbyt banesa e biznese

Këto pamje vijnë nga fshati Navaricë I bashkisë së Finiqit.

Përroi I fshatit doli nga shtrati duke krijuar shumë probleme për bizneset dhe banesat e fshatarëve.

Moti I keq shkatërroi të gjitha rrugët e fshatit ndërsa sipas kryeplakut, përroi ka sjellë edhe shumë prurje nga mali.

Banorët kërkojnë pastrimin e kanaleve të bllokuara, ndërsa sipas llogaritjeve, janë rreth 10 metra kub dhera në sekondë si pasojë e prurjeve të malit.

Situatë dramatike paraqitet edhe në Delvinë.

Ujërat e shiut kanë vërshuar drejt banesave ndërsa dëmet janë të shumta.

Ura e Vanës është prej disa orësh e bllokuar.

Situata nga moti I rënduar me reshjet e dendura të shiut, paraqitet nën kontroll në prefekturën e Sarandës.

Probleme raportohet të ketë hidrovori në Butrint për shkak të rrufeve që kanë goditur izolatorët.

Grupet e emergjencave janë në terren dhe punohet për rikthimin në normalitet.  / abcnews.al /