Mjafton edhe një gol me penallti për të marrë tre pikët. Pasi frenoi Spanjën në një barazim pa gola në Sevilla, Suedia ia doli të mposhtë 1-0 Sllovakinë në takimin e dytë të grupit E në Euro 2020.
⏰ RESULT ⏰
?? Emil Forsberg’s penalty kick is enough to claim the win against Slovakia ?#EURO2020
— UEFA EURO 2020 (@EURO2020) June 18, 2021
Fare pak emocione dhuroi pjesë e parë e ndeshjes së luajtur në stadiumin “Gazprom Arena” të Shën Petersburgut (Rusi). 45 minutat e dyta ishin më të bukura dhe të luftuara.
Suedia dominoi ekipin kundërshtar në fraksionin e dytë. Në minutën e 70-të, Isak dhuroi spektakël, por u ndal nga portieri sllovak. Shtatë minuta më vonë erdhi goli i fitores.
Penallti për kombëtaren vikinge dhe Emil Forsberg, sulmuesi gjermanëve të Leipzig, gjuajti saktë duke dërguar topin në rrjetë. Goli i dhjetë me Suedinë për 29-vjeçarin.
?? Emil Forsberg has now scored 10 goals in 60 games for Sweden ?#EURO2020 pic.twitter.com/ox5g5tdlT5
— UEFA EURO 2020 (@EURO2020) June 18, 2021
Djemtë e Janne Andersson menaxhuan mirë minutat e mbetura dhe festuan në fund triumfin e parë në Euro 2020. Suedi kryeson grupin me 4 pikë, ndërsa Sllovakia, që mposhti 2-1 Poloninë në debutim, mbetet me tre pikë. /abcnews.al
