Një gol i Romelu Lukakut i dhuroi Belgjikës fitoren 1-0 ndaj Kroacisë. “Djajtë e Kuq” dominuan miqësoren e luajtur në Bruksel, por nuk ia dolën të shënojnë më shumë se një gol.
Ishte minuta e 38-të kur pas një insistimi të gjatë, ekipi i Roberto Martinez gjeti golin e fitores. Autori ishte sulmuesi i Interit, i cili shënoi golin numër 60 me kombëtaren e tij.
Belgjika vijoi të sulmojë, por Lukaku dhe Carrasco gabuan përballë portës kundërshtare. Dobët Kroacia, që nuk ia doli të rrezikojë seriozisht për asnjë moment Courtois. /abcnews.al
