Lionel Messi ka debutuar në mënyrë fantastike edhe në MLS.
Inter Miami triumfoi në transfertë te New York Red Bulls me rezultatin 2-0.
Golin e parë për Miamin e shënoi Domez, që u asistua nga Allwen në minutën e 37-të. Messi ishte në stol dhe u aktivizua në ndeshje në minutën e 60-të. Ndikimi i tij ishte tashmë i dukshëm, pasi ngjalli lojën e skuadrës së tij.
Në prag të përfundimit të ndeshjes, shtatë herë fituesi i Topit të Artë ia doli të dyfishonte epërsinë për skuadrën e tij. Ndërtimi i aksionit ishte perfekt, pasi një top me akrobaci brenda zonës nga Jordi Alba për Messin, bëri që argjentinasi në një mënyrë të jashtëzakonshme të dërgonte topin te Cremaschi dhe ky i fundit e dërgoi topin përsëri te Messi brenda zonës dhe kampioni i Kupës së Botës me portën e boshatisur shënoi golin e vulosjes së ndeshjes në minutën e 89’.
Inter Miami ka filluar ngjitjen në tabelë, pasi ishte në vendin e fundit, ndërsa tani është në të 14-in me 21 pikë, ndërsa i duhet të pozicionohet së paku në vendin e nëntë për t’u kualifikuar në play-off, në mënyrë që të ketë shansin për titull, ndërsa deri atje e ndajnë 12 pikë./ h.ll/abcnews.al
This angle of Messi’s pass to set up his goal ?
(via @MLS) pic.twitter.com/o4VO7yL5Pq
— ESPN FC (@ESPNFC) August 27, 2023
